Киев, 15 април 2025 (МИА) - Украинскиот претседател Володимир Зеленски покрена постапка за разрешување на воениот гувернер на североисточниот регион Суми, по разорниот руски ракетен напад во кој загинаа повеќе од 30 луѓе, јави ДПА.

-Владата ги поддржува напорите за разрешување на Володимир Артјух, рече нејзиниот парламентарен претставник Тарас Мелинчак на каналот Телеграм.

Тоа доаѓа откако Артиух вчера потврди дека во градот Суми за време на тешкиот руски ракетен напад имало собир на воен персонал за церемонија на доделување награди. Тој, меѓутоа, нагласи дека тоа не го иницирал нападот, пренесе германската агенција.

Артиух речиси две години е воен гувернер на регионот Суми.

Во ракетниот напад во неделата во центарот на Суми беа убиени најмалку 35 лица, а, се наведува, само двајца од нив биле војници.сд/

фото:МИА архива