Зеленски нареди да се формира специјален огранок на украинските сили за дронови
- Претседателот на Украина Володимир Зеленски денеска нареди формирање на специјален огранок на украинските вооружени сили за беспилотни летала.
![Зеленски нареди да се формира специјален огранок на украинските сили за дронови](https://new.mia.mk/index.php/images/20240206215628_big_730x400_14.webp )
Киев, 6 февруари 2024 (МИА) – Претседателот на Украина Володимир Зеленски денеска нареди формирање на специјален огранок на украинските вооружени сили за беспилотни летала.
Зеленски потпиша декрет со кој ја повикува владата и генералштабот на вооружените сили да разработат прашања за формирањето на тие сили.
Во ноќното видео обраќање Зеленски посочи дека тоа не е прашање за иднината, туку прашање кое наскоро мора да даде конкретни резултати и оти оваа година мора да биде одлучувачка во многу аспекти, вклучително и на бојното поле. јт/
Фото: Фејсбук принтскрин