Зеленски: Намерата на Трамп со отстапки да ја заврши војната во Украина може да биде опасна
- Зеленски во интервју за Гардијан рече дека е убеден дека Путин нема да застане во Украина и ќе оди понатаму доколку победи во војната.
![Зеленски: Намерата на Трамп со отстапки да ја заврши војната во Украина може да биде опасна](https://new.mia.mk/index.php/images/20240601162024_big_730x400_61.webp )
Киев, 1 јуни 2024 (МИА) - Украинскиот претседател Володимир Зеленски изјави денеска дека намерата на републиканскиот претседателски кандидат и поранешен претседател на САД, Доналд Трамп, да ја заврши војната во Украина преку отстапки може да биде опасна не само за Украина, туку и за позицијата на САД во светот бидејќи, како што изјави, рускиот претседател Владимир Путин нема намера да застане доколку победи во војната.
Зеленски во интервју за Гардијан рече дека е убеден дека Путин нема да застане во Украина и ќе оди понатаму доколку победи во војната.
Зеленски оцени дека евентуалниот договор меѓу Трамп и Путин за завршување на војната во Украина нема да го спречи рускиот претседател и натаму да освојува и дека тоа би значело дека Трамп е губитник, пренесоа украинските медиуми.
-И тогаш Путин ќе продолжи понатаму, сфаќајќи дека САД повеќе не се толку голем играч, а потоа на сцената ќе влезат други авторитарни лидери на други земји. Ова е трета светска војна, рече Зеленски.
Трамп постојано изјавува дека ќе може да ја прекине војната во Украина за неколку дена преку директен контакт со Путин. сд/
фото:МИА архива