Зеленски ги предупреди граѓаните кои се враќаат во Херсон на мини
- Тој ги повика граѓаните да пријават сè што ќе им биде сомнително
![Зеленски ги предупреди граѓаните кои се враќаат во Херсон на мини](https://new.mia.mk/index.php/images/20221128063057_big_730x400_52.webp )
Киев, 17 ноември 2022 (МИА) - Украинскиот претседател Володимир Зеленски издаде предупредување до лицата кои се враќаат назад во ослободениот Херсон и други ослободени региони, да не влегуваат во подрачјата пред да бидат проверени од деминери.
- Уште еднаш ќе повторам за сите на деокупирано подрачје: Бидете многу внимателни! Русија сака да убива и откако побегна од нашата земја. Затоа мора да бидете многу внимателни, нагласи Зеленски.
Тој ги повика граѓаните да пријават сè што ќе им биде сомнително.
- Доколку зградата сè уште не е прегледана од деминери, немојте да влегувате во неа. Доколку патот сè уште не е проверен, ве молиме да го заобиколите, додаде претседателот на Украина. бд/јт/