Зголемено насилство врз жените во Јужна Африка
- Претседателот на Јужна Африка, Сирил Рамафоса изјави денеска дека изминатава недела за неговата земја била „мрачна и срамотна“, по порастот на насилството врз жени.
![Зголемено насилство врз жените во Јужна Африка](https://new.mia.mk/index.php/images/20221104005906_big_730x400_15.webp )
Јоханесбург, 14 јуни 2020 (МИА) - Претседателот на Јужна Африка, Сирил Рамафоса изјави денеска дека изминатава недела за неговата земја била „мрачна и срамотна“, по порастот на насилството врз жени.
Изјавата е дадена по убиството на неколку жени, вклучувајќи и една жена во осмиот месец од бременоста, која е пронајдена избодена и обесена на дрво.
Рамафоса нагласи дека овие убиства се извршени откако се укинати некои од рестриктивните мерки воведени поради епидемијата на новиот коронавирус, меѓу кои и забраната за продажба на алкохол, истакнувајќи дека културата на молчење за родово засновано насилство мора да престане.
- Родово заснованото насилство успева доколку се молчи. Со молчењето, гледањето на друга страна, бидејќи сметаме дека тоа е лична или семејна работа, стануваме соучесници во ова најгрозоморно злосторство, додаде Рамафоса. гт/