Мадрид, 14 јули 2021 (МИА) - Шпанскиот весник „Ел Конфиденцијал“ објави нови аудиозаписи од изјавите на претседателот на Реал Мадрид, Флорентино Перез, каде ги навредува Кристијано Роналдо и Жозе Мурињо. Снимката со овие зборови на Перез е направена во октомври 2012 година. - Роналдо е луд. Ова е идиот, болно момче. Мислите дека е нормален, но не е нормален, инаку не би направил сè што прави. Последната глупост што ја направи, ја виде целиот свет. Зошто мислиш дека прави толку глупави работи? - вели Перез на снимката. Кога зборува за „глупост“, менаџерот се повикува на изјавата што Роналдо ја даде во септември 2012 година. Кристијано по мечот со Гранада изјави дека не слави голови затоа што е несреќен во клубот од Мадрид, а раководството на Реал Мадрид знае зошто се чувствува така. Перез исто така вели дека не може да ги контролира Роналдо и Мурињо преку агентот Жорже Мендеш, кој се справува со нивните работи: „Тој воопшто не испраќа ништо, ниту тајни, ништо, нула. Тие дури и не обрнуваат внимание на него. - Мурињо и Роналдо се момци со страшно его, обајцата се расипани. И Мурињо и Роналдо не ја гледаат реалноста. И двајцата би можеле да заработат уште повеќе ако беа различни. Двајца ненормални, вели Перез. Роналдо се приклучи на Реал Мадрид од Манчестер Јунајтед во 2009 година. До октомври 2012 година тој со мадридскиот клуб ја освои Ла Лига, Купот на Шпанија и Суперкупот. Мурињо го презеде Реал Мадрид во 2010 година и работеше во клубот до 2013 година. Со него, тимот освои три трофеи. зс/