Со гаснење на светилките ќе биде одбележан Часот на планетата Земја
- Со гаснење на светилките во траење од еден час денеска ширум светот ќе биде одбележан Часот на планетата Земја. Милиони луѓе ширум светот во исто време симболично во своите домови ќе го исклучат осветлувањето во знак на солидарност за планетата Земја.
![Со гаснење на светилките ќе биде одбележан Часот на планетата Земја](https://new.mia.mk/index.php/images/20230324210803_big_730x400_47.webp )
Скопје, 25 март 2023 (МИА) - Со гаснење на светилките во траење од еден час денеска ширум светот ќе биде одбележан Часот на планетата Земја. Милиони луѓе ширум светот во исто време симболично во своите домови ќе го исклучат осветлувањето во знак на солидарност за планетата Земја.
Кон акцијата неколку години наназад се приклучува и нашата земја. Светилките ќе бидат изгаснати во периодот од 20:30 до 21:30 часот по локално време.
Часот на планетата Земја е најголемата светска еколошка акција, која секоја година обединува милиони луѓе ширум светот. сх/бак/
Фото: МИА архива