За три дена 2.500 лица не се качиле на брод од Атина поради задолжителните документи за Ковид-19
- За време на контролите на грчката крајбрежна служба во петокот и за време на викендот, поради недостиг на неопходните документи на околу 2.500 лица не им било дозволено, од атинското пристани
![За три дена 2.500 лица не се качиле на брод од Атина поради задолжителните документи за Ковид-19](https://new.mia.mk/index.php/images/20221107233811_big_730x400_24.webp )
Атина, 20 јули 2021 (МИА) – За време на контролите на грчката крајбрежна служба во петокот и за време на викендот, поради недостиг на неопходните документи на околу 2.500 лица не им било дозволено, од атинското пристаниште да се качат на брод и да стигнат на нивната дестинација, на некој од островите, јави дописничката на МИА од Атина.
Информацијата, говорејќи за грчките медиуми ја соопштија и министерот за поморство на Грција Јанис Плакиотакис и портпаролот на крајбрежната служба Николаос Кокалас.
За контролите и проверката на документите, надлежна е крајбрежната служба, а за патување со траект на островите, задолжителен е документ поврзан со Ковид-19, односно сертификат за вакцинација, потврда за прележана болест или негативен ПЦР или рапид тест.
Заменик-министерот за поморство на Грција, Константинос Кацафадос, за првата програма на грчкото државно радио рече дека половина од патниците се вакцинирани.
-Од оние кои патуваат со брод, 50 отсто, Грци и странци, се вакцинирани. За останатите се вршат проверки од крајбрежната служба за тоа дали ги имаат неопходните здравствени документи со кои можат да патуваат и да нема проблем со ширењето на вирусот на нивната дестинација, објасни Кацафадос. ср/сд/