Зајакната е заштитата на нуклеарната централа Курск, соопшти руската национална гарда
- Руската национална гарда соопшти дека е зајакната заштитата на нуклеарната централа Курск, јави ДПА. Мерката е преземена поради влегувањето и напредувањето на украинските сили во руската погранична област.
![Зајакната е заштитата на нуклеарната централа Курск, соопшти руската национална гарда](https://new.mia.mk/index.php/images/20240807211428_big_730x400_89.webp )
Москва, 7 август 2024 (МИА) - Руската национална гарда соопшти дека е зајакната заштитата на нуклеарната централа Курск, јави ДПА. Мерката е преземена поради влегувањето и напредувањето на украинските сили во руската погранична област.
Дополнителни сили се распоредени во областа за да се спречат акти на саботажа. Разузнавачките единици беа испратени и во регионот на Курск и во Белгород, додаде гардата.
Нуклеарната централа Курск има четири реактори. Се наоѓа на околу 60 километри од границата со Украина.
Украинската војска, поддржана од тенкови и артилерија, вчера ја премина руската граница на руска територија од украинскиот регион Суми, јави ДПА.
Според непотврдени информации, тие напреднале околу 15 километри во правец на нуклеарната централа. мс/
фото: Википедија