Заев: Традициите и културата на Бошњаците се нераскинлив дел од нашата мултиетничка држава
- Денеска го одбележуваме 28 Септември – Меѓународниот ден на Бошњаците, ден кој го симболизира враќањето на националното име Бошњак и именувањето на мајчиниот јазик на Бошњаците како босански
![Заев: Традициите и културата на Бошњаците се нераскинлив дел од нашата мултиетничка држава](https://new.mia.mk/index.php/images/20221108172453_big_730x400_97.webp )
Скопје, 28 септември 2021 (МИА) - Денеска го одбележуваме 28 Септември – Меѓународниот ден на Бошњаците, ден кој го симболизира враќањето на националното име Бошњак и именувањето на мајчиниот јазик на Бошњаците како босански јазик, напиша премиерот Зоран Заев на неговиот ФБ профил.
- Бошњаците во Северна Македонија отсекогаш биле активни во унапредувањето на нашето заедничко општество и во изградбата на институциите на нашата држава. Традициите и културата на Бошњаците се составен и нераскинлив дел од богатството во нашата мултиетничка, мултикултурна и мултиконфесионална држава, и многу вреден и драгоцен сегмент во нашиот концепт „Едно општество за сите“, објави Заев.
На фејсбук премиерот Заев потенцира дека Владата на Република Северна Македонија и во иднина ќе продолжи да ги зајакнува институционалните можности за негување и унапредување на интересите и културните особености на бошњачката заедница, како што во 2018 година во образованието на учениците Бошњаци им е вратено правото на редовна настава на босански јазик.
- Денес босанскиот јазик е дел од програмата на Националната телевизија. Со честитките за вашиот празник ја испраќам и пораката да продолжиме сите заедно да градиме просперитетна иднина и благосостојба. Заеднички да чекориме по европскиот пат и да придонесуваме за подобар живот на сите наши граѓани, е пораката од премиерот Заев објавено на неговиор ФБ профил. цр/аа/
![Ден на Бошњаците](/articles/images/%d0%b7%d0%b0%d0%b5%d0%b2-%d1%82%d1%80%d0%b0%d0%b4%d0%b8%d1%86%d0%b8%d0/rBECOKt8T/placeholder.webp?use_watermark=0)