Загина скопјанка по удар од моторцикл
- Од здобиените повреди, на местото на несреќата починала 74-годишната А.И.
![Загина скопјанка по удар од моторцикл](https://new.mia.mk/index.php/images/20240609130453_big_730x400_41.webp )
Скопје, 9 јуни 2024 (МИА) - Скопјанка загина по удар од моторцикл во текот на вчерашниот ден, информираат денеска од Министерството за внатрешни работи (МВР).
Околу 12.20 часот во Секторот за внатрешни работи - Скопје, пријавено било дека на булеварот „Крсте Мисирков“, во близина на крстосницата со булевар „Гоце Делчев“ во градот, моторцикл „хонда“ со скопски регистарски ознаки, управуван од Е.С., (26) од Скопје, удрил во пешакот А.И..
- Од здобиените повреди, на местото на несреќата починала 74-годишната А.И.. Од страна на лекар од Итната медицинска помош, констатирана била смрт. Со телесни повреди се здобил моторциклистот, констатирани во приватна болница во Скопје, појаснуваат од МВР.
Извршен бил увид од јавен обвинител и увидна екипа од СВР - Скопје. бд/сст/
Фото: МИА архива