Велосипедист загина во сообраќајка на булеварот „Никола Карев“ во Скопје
- Возачот на товарното возило бил лишен од слобода и задржан во полициска станица за понатамошна постапка.
![Велосипедист загина во сообраќајка на булеварот „Никола Карев“ во Скопје](https://new.mia.mk/index.php/images/20240411124248_big_730x400_3.webp )
Скопје, 11 април 2024 (МИА) - Велосипедист на 68-години загинал во сообраќајна несреќа на булеварот „Никола Карев“. Сообраќајката, како што денеска информираа од Министерството за внатрешни работи, се случила вчера.
- Вчера во 11:10 часот во СВР Скопје било пријавено дека на булеварот „Никола Карев“, товарно возило „мерцедес атего“ со скопски регистарски ознаки, управувано од М.Н., на возраст од 41 година од главниот град, удрило во велосипед управуван од А.Т., на 68-годишна возраст од Скопје. На местото на несреќата, од здобиените повреди починал А.Т., а смрт констатирал лекар од Итна медицинска помош, појаснуваат од МВР.
Возачот на товарното возило бил лишен од слобода и задржан во полициска станица за понатамошна постапка.
Извршен бил увид од увидна екипа од СВР Скопје и јавен обвинител, по чија наредба, телото на починатиот било дадено на обдукција. бд/бак/
Фото: МИА архива