Заврши штрајкот на грчките цариници, од утрово нормализирано влегувањето во Грција
- Утрово во 6 часот заврши дводневниот штрајк на грчките цариници и со тоа влегувањето во Грција преку трите премини Богородица-Евзони, Дојран-Дојрани и Меџитлија-Ники се одвива нормално.
![Заврши штрајкот на грчките цариници, од утрово нормализирано влегувањето во Грција](https://new.mia.mk/index.php/images/20240404095100_big_730x400_82.webp )
Струмица, 4 април 2024 (МИА) - Утрово во 6 часот заврши дводневниот штрајк на грчките цариници и со тоа влегувањето во Грција преку трите премини Богородица-Евзони, Дојран-Дојрани и Меџитлија-Ники се одвива нормално.
Како што информираше началникот на Регионалниот центар за гранични работи Југ при МВР, Славчо Богев, сообраќајот и преминувањето на границата со јужниот сосед се одвива тековно.
Вчера и завчера во целосен прекин беше товарниот сообраќај на сите гранични премини, а повремено се пропуштаа патници на Богородица и Дојран. рт/дма/
Фото: принт скрин ЈПДП, премин Богородица