Заврши реконструкцијата на училишната спортска сала во кумановската гимназија „Гоце Делчев“
- Заврши реконструкцијата на училишната спортска сала во кумановската гимназија „Гоце Делчев“, соопштија денеска надлежните од училиштето и од општината. Реконструкција на одвоениот објект, опф
![Заврши реконструкцијата на училишната спортска сала во кумановската гимназија „Гоце Делчев“](https://new.mia.mk/index.php/images/20221113150242_big_730x400_17.webp )
Куманово, 2 јуни 2022 (МИА) - Заврши реконструкцијата на училишната спортска сала во кумановската гимназија „Гоце Делчев“, соопштија денеска надлежните од училиштето и од општината. Реконструкција на одвоениот објект, опфати целосно заменет систем за греење, осветлување и нова подна површина.
![Куманово гимназија Гоце Делчев спортска сала](/articles/images/%d0%b7%d0%b0%d0%b2%d1%80%d1%88%d0%b8-%d1%80%d0%b5%d0%ba%d0%be%d0%bd%d1/omZVvJnmD/placeholder.webp?use_watermark=0)
- Реновирањето на фискултурната сала е завршено, веќе од есен во наредната учебна година нашите сегашни и идни гимназијалци со задоволство ќе можат да ја користат. Покрај часовите за спорт, салата ќе послужи и за подготовки за многуте спортски активности и настани на кои секогаш успешно се претставуваат, информираа од гимназијата.
![гиназија Гоце Делчев од високо](/articles/images/%d0%b7%d0%b0%d0%b2%d1%80%d1%88%d0%b8-%d1%80%d0%b5%d0%ba%d0%be%d0%bd%d1/nPMzk2aLP/placeholder.webp?use_watermark=0)
Со реконструкцијата на одвоениот училишен објект привршува и обемната реконструкција на кумановската гимназија. Целосната реконструкција на гимназијата почна на почетокот на учебната година со замена на прозорците и вратите на сите училници, обнова на покривот на централниот дел на училиштето, замена на азбестната кровна конструкција на училишната спортска сала. Проектот чини околу 21 милион денари, а средствата се обезбедени од општината.
![Гимназија Гоце Делчев Куманово](/articles/images/%d0%b7%d0%b0%d0%b2%d1%80%d1%88%d0%b8-%d1%80%d0%b5%d0%ba%d0%be%d0%bd%d1/X2b23vmQv/placeholder.webp?use_watermark=0)
- Се заокружува проектот реконструкција на училишната зграда, за што сме особено горди и среќни. Гимназијата блеска како никогаш порано, траен и препознатлив белег на Куманово, информираа од училиштето.
Претходно, беа набавени Смарт табли и нови компјутери, друг материјал потребен за кабинетите по биологија, физика, хемија, информатика и музика. Во гимназијата настава следат 950 ученици.ам/сх/