Крива Паланка, 9 април 2025 (МИА) - Завршија градежните работи за реконструкција и модернизација на сите пет градски мостови на Крива Река кои добија нов, урбан лик и го променија изгледот на централното градско подрачје во Крива Паланка.

Инвестицијата за реконструкција на мостовите изнесува 40 000 000 денари од кои: 26 600 000 денари беа обезбедени од Владата во 2024 година, за реконструкција на: Шанин мост, Виолетов мост и Осички мост, а 14.000.000 денари од ТАВ програмата за обнова на Соларски и Градечки мост.

- Влогот во модернизација на Крива Паланка е на петте мостови што секојдневно не поврзуваат, а сега блескаат со нова енергија и стил. Дополнително, ликот на градот го краси и уникатен мурал со мотиви од она што е автентично и традиционално за Крива Паланка, манастирот „Св. Јоаким Осоговски“, и вкусниот, препознатлив кривопаланечки симит, посочуваат од службата за комуникација со јавноста при Општина Крива Паланка.

Реконструкцијата опфати отстранување на постојната и поставување нова ограда, реновирање и ново осветлување.ид/са/

Фото: Општина Крива Паланка