Заврши осмото издание на „Гола месечина“
- Со претставата „Чудесна терапија“ на НУ „Драмски театар“ - Скопје, во режија на Димче Николовски вчеравечер заврши осмото издание на традиционалниот фестивал на комедијата „Гола месечина“.
![Заврши осмото издание на „Гола месечина“](https://new.mia.mk/index.php/images/20221108165232_big_730x400_61.webp )
Скопје, 21 септември 2021 (МИА) – Со претставата „Чудесна терапија“ на НУ „Драмски театар“ - Скопје, во режија на Димче Николовски вчеравечер заврши осмото издание на традиционалниот фестивал на комедијата „Гола месечина“.
Фестивалот традиционално го организира Општина Аеродром со НУ „Театар комедија“ - Скопје.
Фестивалот се одржа во Спортскиот центар „Ново Лисиче“. Покрај претставата „Чудесна терапија“, посетителите имаа можност да ги проследат и комедиите „Грдиот“ на НУ „Театар Комедија“ - Скопје, „Црвенкапа“ на НУ „Театар за деца и младинци“ - Скопје, „Мој Термин“ на НУ „Македонски народен театар“, како и „Вообразен болен“ на НУЦК „Трајко Прокопиев“ - Куманово.
Поради пандемијата на коронавирусот, оваа година беа изоставени претставите од соседните земји, при што целосниот фокус беше врз македонската продукција на комедии. ки/цр
![](/articles/images/%d0%b7%d0%b0%d0%b2%d1%80%d1%88%d0%b8-%d0%be%d1%81%d0%bc%d0%be%d1%82%d0/YnjaXJPPY/placeholder.webp?use_watermark=0)