Завршија 59. Рацинови средби во Велес
- На сцената во амфитетарот на Младинскиот парк вчера во Велес се одржа Поетски митинг со 15-тина учесници од земјава и балканските земји, а сосема за крај и спектакуларен концерт на групата „Н
![Завршија 59. Рацинови средби во Велес](https://new.mia.mk/index.php/images/20221113160535_big_730x400_28.webp )
Велес, 16 јуни 2022(МИА) - На сцената во амфитетарот на Младинскиот парк вчера во Велес се одржа Поетски митинг со 15-тина учесници од земјава и балканските земји, а сосема за крај и спектакуларен концерт на групата „Некст тајм“, кој го проследија голем број велешани, со што заврши програмата и беа затворени годинашните 59. Рацинови средби.
Во рамките на вчерашната свеченост се одржа и Поетско-драмски перформанс, а беа доделени и благодарници.
На програмата членови на Здружението на лица со церебрална парализа и други попречености „Сите сме исти“ ги претставија своите пишани творби поезија и проза.
Беа промовирани и дела од велешки автори и „Вина инспирирани од делата на Рацин“.
Воедно, традиционално беше посетена и Спомен-куќата на Рацин, каде имаше читање поезија и музичко-сценска програма, а се одржа и дебата на тема „Македонскиот јазик и култура - предизвици и перспективи“, со еминентни професори и експерти за македонскиот литературен јазик од Институтот за македонски јазик „Крсте Мисирков“ од Скопје. ад/свс/
![thumbnail_poeti 3](/articles/images/%d0%b7%d0%b0%d0%b2%d1%80%d1%88%d0%b8%d1%98%d0%b0-59-%d1%80%d0%b0%d1%86/IwCCwWUV1/placeholder.webp?use_watermark=0)
![thumbnail_poeti 1](/articles/images/%d0%b7%d0%b0%d0%b2%d1%80%d1%88%d0%b8%d1%98%d0%b0-59-%d1%80%d0%b0%d1%86/dhm2tTkQN/placeholder.webp?use_watermark=0)