Забранет сообраќај за товарни возила на Плетвар, Стража и крак Маврово - Дебар
- Поради снежни врнежи, вечерва од 20:35 часот е воведена забрана за движење на товарни моторни возила и на превојот Плетвар, на регионалниот пат Велес - Прилеп и обратно.
![Забранет сообраќај за товарни возила на Плетвар, Стража и крак Маврово - Дебар](https://new.mia.mk/index.php/images/20221105183123_big_730x400_19.webp )
Скопје, 14 јануари 2021 (МИА) - Поради снежни врнежи, вечерва од 20:35 часот е воведена забрана за движење на товарни моторни возила и на превојот Плетвар, на регионалниот пат Велес - Прилеп и обратно.
Како што соопшти АМСМ, во 17:50 часот беше воведена забрана за товарни возила и на патниот правец крак Маврово - Дебар и од 18:50 часот на патниот правец Гостивар- Кичево преку планинскиот премин Стража. хс/дма/