Забрана за тешки товарни возила попладнево на патот Струмица - Берово и на Плетвар, за останатите задолжителна зимска опрема
- Поради интензивни снежни врнежи од 16:45 часот забрана за тешки товарни возила се воведува на патниот правец Р1302 Струмица-Берово, а за останатите возила задолжителна зимска опрема, соопштија од АМСМ.
![Забрана за тешки товарни возила попладнево на патот Струмица - Берово и на Плетвар, за останатите задолжителна зимска опрема](https://new.mia.mk/index.php/images/20240120172543_big_730x400_55.webp )
Скопје, 20 јануари 2024 (МИА) - Поради интензивни снежни врнежи од 16:45 часот забрана за тешки товарни возила се воведува на патниот правец Р1302 Струмица-Берово, а за останатите возила задолжителна е зимска опрема, соопштија од АМСМ.
Попладнево, од 16 часот, поради обилни снежни врнежи воведена е забрана за тешки товарни возила и на Плетвар, соопшти ЈП Македонијапат.
Според информациите на јавното претпријатие „Македонијапат“ и Авто мото сојузот на Македонија, од 11:25 часот воведена беше забрана за тешките товарни возила и на патниот правец Битола - Ресен кај планинскиот превој Ѓавато, на граничниот премин Јажинце, како и на патниот правец од Гостивар кон Стража и Кичево, на патот од Маврово кон Дебар, како и на патниот правец од Струга кон граничниот премин Ќафасан.
Поради силен ветар и големи наноси на снег на потегот од село Рогачево до граничниот премин Јажинце од 08:40 часот е воведена забрана за автобуси и тешки товарни возила, додека останатите возила мора да имаат задолжителна зимска опрема.
На патниот правец Тетово – Попова Шапка има забрана за сообраќај за автобуси, додека за другите возила е задолжителна зимска опрема (синџири).
Од јавното претпријатие „Македонијапат“ апелираат до возачите да ја почитуваат пропишаната законскa одредба за поседување задолжителна зимска опрема, да користат зимски гуми, да ја прилагодат брзината кон условите на патот, како и да имаат топла облека во своите возила и полни резервоари за гориво. вг/
Фото: МИА Архива