Жоржињо: За мене ќе биде чест да играм со Чех, претходно ова можев да го направам само на плејстејшен
- Фудбалерот од средниот ред на Челзи, Жоржињо ги сподели своите ставови во врска со вклучувањето во лондонскиот состав на 38-годишниот голман Петр Чех, кој се пензионираше во 2019 година.
![Жоржињо: За мене ќе биде чест да играм со Чех, претходно ова можев да го направам само на плејстејшен](https://new.mia.mk/index.php/images/20221104230810_big_730x400_95.webp )
Лондон, 22 октомври 2020 (МИА) – Фудбалерот од средниот ред на Челзи, Жоржињо ги сподели своите ставови во врска со вклучувањето во лондонскиот состав на 38-годишниот голман Петр Чех, кој се пензионираше во 2019 година.
- Мислам дека фактот дека Чех сега е со нас може многу да му помогне на тимот. Петр е легенда, тој е многу искусен, ќе помогне во соблекувалната и ќе може достоинствено да игра ако е потребно. За мене би било чест да излезам на теренот со него. Претходно, ова беше можно само на плејстејшен - го цитира „Мирор“ Жоржињо.
Петр Чех се врати во составот на Челзи како четврти голман. Тој ќе биде на голот на „сините“ доколку ниту еден од Кепа Аризабалага, Едуар Менди и Вили Кабаљеро, не биде во состојба да настапи. зс/