Жозеп Борел денеска и утре во посета на Албанија
Тирана, 15 март 2023 (МИА) - Високиот претставник на ЕУ за надворешни работи и безбедносна политика и потпретседател на Европската комисија, Жозеп Борел денеска ќе допатува во дводневна посета на Албанија.
Борел денеска ќе се сретне со премиерот Еди Рама пред да претседава со 12. Совет за стабилизација-асоцијација ЕУ-Албанија во Тирана на 16 март.
- Албанија ќе ја претставува премиерот Еди Рама а Европската комисија ќе ја претставува комесарот за добрососедска политика и проширување, Оливер Вархеји. По Советот, високиот претставник Борел, премиерот Рама и комесарот Вархеји ќе одржат заедничка прес-конференција околу 12:00 часот, која ќе се емитува во живо на EBS, јави државната агенција АТА.
Денеска попладне Борел ќе присуствува на инаугурацијата на венецијанската кула во Драч, чија реставрација е финансирана од ЕУ, а ќе се сретне и ќе разговара со претставници на младите во градот.
Високите европски претставници, по Албанија, на 17 и 18 март, ќе престојуваат во Северна Македонија. вт/сд/
