Битола, 20 ноември 2024 (МИА) - Македонскиот ракометен шампион Еурофарм Пелистер предводен од новиот тренер Раул Алонсо очекува уште една победа над даскиот вицепрвак Фредериција.

Пред вечерашниот натпревар владее оптимизам во таборот на Еурофарм Пелистер, но тренерот Алонсо е претпазлив.

- Секој натпревар е различен посебно кога играте во Лигата на шампионите. Играчите во ова натпреварување брзо се адаптираат на новите ситуации. Фредериција е тим кој порасна во последните две сезони и беше компетитивна во данското првенство. Го имаат Гудмундур Гудмунсон, кој е еден од најдобрите светски тренери и човек кој има големо искуство. Ќе биде тешко да се игра против нив, иако победивме на гостински терен. Ова е нов натпревар и нова ситуација, имаат квалитетни дански ракометари и агресивна одбрана. Јас немав потребно време за подготовка, тука сум три дена и одработивме само еден тренинг. Со вкупно три тренинзи ќе влеземе во натпреварот и ќе биде натпревар со голем влог. Ќе го следиме нашиот план и растот од претходниот натпревар. Многу е важно да имаме солидна одбрана и многу интервенции на голманите. Да бидеме организирани во одбраната и тоа да ни биде појдовна точка за добар позиционен напад и транзиција. Тоа е сепак натпревар од Лигата на шампионите и ќе решаваат мали детали, изјави Алонсо.

Дуелот меѓу Еурофам Пелистер и Фредериција се игра вечер со почеток во 20:45 часот. мт/

Фото: Еурофарм Пелистер