Ердоган: Намален ДДВ за сапун, пелени, детергент …
- Турција ги намали даноците на додадена вредност на голем број производи, вклучително и медицинска опрема и производи за хигиена, за да се бори против инфлацијата, изјави турскиот претседател
![Ердоган: Намален ДДВ за сапун, пелени, детергент …](https://new.mia.mk/index.php/images/20221112160336_big_730x400_82.webp )
Анкара, 29 март 2022 (МИА) – Турција ги намали даноците на додадена вредност на голем број производи, вклучително и медицинска опрема и производи за хигиена, за да се бори против инфлацијата, изјави турскиот претседател Реџеп Таип Ердоган.
- Одлучивме да го намалиме ДДВ-то од 18 на 8 отсто на производите како детергент, сапун, тоалетна хартија, салфетки и пелени за бебиња, рече тој.
Падот на курсот на лирата и растот на цените на храната и енергијата доведоа до инфлација од 54,4 отсто во февруари, највисока во последните 20 години. јт/