Ердоган го обвини Западот дека ги поддржува израелските „планови за ширење војна“ во Либан
Анкара, 26 јуни 2024 (МИА) - Турскиот претседател Реџеп Таип Ердоган денеска ги обвини западните сили дека ги поддржуваат, како што рече, израелските планови за напад на Либан и „ширење војна“ низ целиот регион.
„Израел сега го насочува својот нишан кон Либан и гледаме дека западните сили зад сцената го тапкаат Израел по грбот, па дури и го поддржуваат“, им рече тој на пратениците од неговата владејачка партија АКП.
„Плановите на Нетанјаху да ја прошири војната во регионот ќе доведат до голема катастрофа“, нагласи Ердоган. паг/
Фото: МИА архива
