Минхен, 16 октомври 2024 (МИА) – Ербас планира да укине до 2.500 работни места во својот оддел за одбрана и вселенски летови до средината на 2026 година, соопшти компанијата денеска.

Одделот за одбрана и вселена на Ербас, чие седиште е во Германија, вработува речиси 35.000 луѓе ширум Европа, пренесе ДПА.

Мултинационалниот оддел за вселенски летови на Ербас регистрира отпис од 989 милиони евра (1,1 милијарди долари) во првата половина од годината, што имаше негативно влијание врз привремениот биланс на Групацијата Ербас.

Компанијата соопшти дека е во преговори со синдикатите во компанијата за кратење на работните места.

При претставувањето на полугодишните резултати, извршниот директор на Ербас Гијом Фори се осврна на главните предизвици во вселенскиот бизнис и рече дека компанијата нема да се справи со корените на проблемот. јт/