Скопје, 6 март 2024 (МИА) – Мотоклубот Ендуро Тим Водно ги претстави своите возачи за сезоната 2024. Од вкупно 18 лиценцирани мотоциклисти, 10 се во јуниорска конкуренција. Меѓу нив има и едно девојче, кое е единствено во македонскиот шампионат.

Мотоциклисти кои ќе возат за Ендуро Тим Водно во 2024 година: Ева Дамјановска, Кристијан Николовски, Петар Петрушевски, Марко Петрушевски, Матео Јанковски, Михаил Стојков, Марко Поповски, Виктор Андреевски, Антонио Дамјановски, Огнен Тодоров, Ангелче Стојковски, Лука Луканоски, Владимир Димов, Един Драголовќанин, Мартин Караколев, Андреј Милковски и Новак Калеников.

Тимот сезонава ќе учествува на три трки во македонскиот шампионат и повеќе од шест меѓународни натпреварувачки викенди во две дисциплини – ендуро и мотокрос.

Ендуро Тим Водно – Скопје е меѓу најуспешните македонски мотоклубови со 11 титули. зс/