Ени Ленокс: Стареам, но сѐ уште сум „разјарена“!
- Таа всушност одговори на Твитер-објавата каде што еден корисник покрај нејзината фотографија бара од следачите да му одговорат за кого станува збор, без да пребаруваат на интернет...
![Ени Ленокс: Стареам, но сѐ уште сум „разјарена“!](https://new.mia.mk/index.php/images/20221112150815_big_730x400_60.webp )
Лос Анџелес, 17 март 2022 (МИА) - Поранешната пејачка на поп-денс групата од 1980-тите и 90-тите, „Јуритмикс“ (Eurythmics) - Ени Ленокс потврди дека не е роб на стандардите за убавина, објавувајќи фотографија во свое сосем природно издание.
Таа всушност одговори на Твитер-објавата каде што еден корисник покрај нејзината фотографија бара од следачите да му одговорат за кого станува збор, без да пребаруваат на интернет... Повеќето погодија.
„Здраво, Џејсон. Ти, наводно, на Твитер си почнал тренд откако праша која е оваа личност?... ОВАА личност! Дали ја гледате разликата меѓу личност во маскирана облека и билка? Ајде да направиме уште еден ’хаос' на Твитер. Стареам, но сепак, сѐ уште сум „разјарена“! Ви испраќам благослов и љубов", напиша таа.
„Немам поим за што се работи, само знам дека Ени Ленокс е една“, „Лесно се препознаваш, фантастична Ени“, „Убава си и однатре и однадвор. Ти испраќам многу љубов“ - гласат дел од коментарите потоа. си/сд/
![ени](/articles/images/%d0%b5%d0%bd%d0%b8-%d0%bb%d0%b5%d0%bd%d0%be%d0%ba%d1%81-%d1%81%d1%82%d/BxNcG9MBM/placeholder.webp?use_watermark=0)