ЕМА одобри два лека со антитела на Ковид-19
- Европската агенција за лекови (ЕМА) денеска даде позитивно мислење за два третмана против Ковид-19 - Ронапреве и Регкирона
![ЕМА одобри два лека со антитела на Ковид-19](https://new.mia.mk/index.php/images/20221108221956_big_730x400_47.webp )
Амстердам, 11 ноември 2021 (МИА) - Европската агенција за лекови (ЕМА) денеска даде позитивно мислење за два третмана против Ковид-19 - Ронапреве и Регкирона.
Двата третмана се наменети за употреба во раните фази на инфекцијата, а засновани се на антивирусни моноклонски антитела.
ЕМА наведува дека Ронапреве на компанија на Рош е одобрен за превенција и третман на Ковид-19 кај возрасни и адолесценти (од 12 години и со тежина од најмалку 40 килограми) на кои не им треба дополнителен кислород и на кои им е зголемен ризикот нивната болест да стане тешка.
Регкироне на компанијата Целтрион хелткер Хангари е одобрена за третман на возрасни со Ковид-19, на кои не им треба дополнителен кислород и кои исто така се изложени на зголемен ризик нивната болест да стане тешка.
Ронапреве и Регкирона се првите лекови со моноклонски антитела кои добија позитивно мислење за ЕМА.
Досега единствениот третман против Ковид-19 одобрен во ЕУ беше Ремдесивир. ми/