ЕК по повод Светскиот ден на океаните: Заштитата на океаните останува приоритет за ЕУ
- Океаните се од витално значење за животот на Земјата, бидејќи играат клучна улога во регулирањето на климата обезбедувајќи повеќе кислород од сите шуми заедно и се најважни во справувањето со итните глобални предизвици, како што се безбедноста на храната, енергијата и брзата зелена транзиција, порачаа во заедничката изјава по повод Светскиот ден на океаните - 8 јуни високиот претставник на ЕУ за надворешна политика и безбедност Жозеп Борел и еврокомесарот за животна средина, океани и рибарство Вирџинијус Синкевичиус.
![ЕК по повод Светскиот ден на океаните: Заштитата на океаните останува приоритет за ЕУ](https://new.mia.mk/index.php/images/20240608013345_big_730x400_99.webp )
Брисел, 8 јуни 2024 (МИА) - Океаните се од витално значење за животот на Земјата, бидејќи играат клучна улога во регулирањето на климата обезбедувајќи повеќе кислород од сите шуми заедно и се најважни во справувањето со итните глобални предизвици, како што се безбедноста на храната, енергијата и брзата зелена транзиција, порачаа во заедничката изјава по повод Светскиот ден на океаните - 8 јуни високиот претставник на ЕУ за надворешна политика и безбедност Жозеп Борел и еврокомесарот за животна средина, океани и рибарство Вирџинијус Синкевичиус.
- Температурите на океаните, сепак, никогаш не биле повисоки и морскиот живот исчезнува со невидено темпо, ставајќи го светот во опасност. Нашите океани, кои функционираат како најголем јаглероден прочистувач на нашата планета, не можат да чекаат на пресврт во драматичните случувања, а не можеме ниту ние. Од минатогодишниот Светски ден на океаните, бевме сведоци на ветувачки напредок во заштитата на океаните. На 19 јуни 2023 година, беше усвоен историски договор за зачувување и одржливо користење на морската биолошка разновидност на отворено море, познат како ББНЈ Договор. Со гласањето во Европскиот парламент на 24 април, ЕУ е чекор поблиску до ратификација на Договорот, се наведува во пораката.
Борел и Синкевичиус порачуваат дека сега претстои да се постигне бројката од шеесет ратификации на Договорот со цел тој да стапи во сила и да продолжи неговата ефективна имплементација.
- Нашата цел е тоа да се случи до Океанската конференција на ОН во јуни 2025 година во Франција. ЕУ презема мерки. Одржливоста на океаните е приоритет на зелената дипломатија на ЕУ. На 9-тата конференција „Нашиот океан“ што се одржа во Грција, на почетокот на оваа година, ЕУ презеде 40 нови обврски за безбеден, безбеден, чист, здрав и одржливо управуван океан, за што се обезбедени околу 3,5 милијарди евра од различни фондови на ЕУ, што е највисок придонес на ЕУ од првата конференција „Нашиот океан“ пред една деценија. Нашиот ангажман останува вкоренет на принципите на дијалог, партнерство и солидарност со нашите партнери ширум светот, се посочува во изјавата.
Претставниците на ЕК нагласуваат дека заштитата на океаните останува приоритет за ЕУ, па затоа блокот се стреми да за проширување на опсегот на морските заштитени подрачја во Јужниот Океан и се залага за амбициозен резултат од преговорите за воспоставување на меѓународен законски обврзувачки инструмент за заштита на загадување со пластика на морската средина.
- Заштитата на нашите океани е заедничка одговорност и само имплементацијата на глобалните решенија, како што се Глобалната рамка за биолошка разновидност „Кунминг-Монтреал“ и Договорот ББНЈ, може да придонесе за тоа, се вели во заедничката изјава Борел и Синкевичиус по повод Светскиот ден на океаните - 8 јуни. сп/
Фото: МИА Архива