Едрилица се преврте на Охридското Езеро, полицијата безбедно ги врати трите лица на копно
- Полицијата за граничен надзор „Охридско Езеро" денеска интервенираше за спасување при ситуација со превртување едрилица во водите на Охридското Езеро.
![Едрилица се преврте на Охридското Езеро, полицијата безбедно ги врати трите лица на копно](https://new.mia.mk/index.php/images/20230731195238_big_730x400_74.webp )
Охрид, 31 јули 2023 (МИА) – Полицијата за граничен надзор „Охридско Езеро" денеска интервенираше за спасување при ситуација со превртување едрилица во езерските води.
Интервенцијата следувала откако претходно околу 17:45 часот во СВР – Охрид било пријавено за превртен пловен објект во водите на Охридското Езеро кај Дебрчка плажа.
Околу 18 часот пловниот објект е пронајден два километри од брегот и утврдено е дека станува збор за превртена едрилица - катамаран на која имало три лица.
Како што информираше Стефан Димовски, портпаролот на СВР – Охрид, лицата на возраст од 53, 50 и 49 години, сите од Скопје, се пронајдени во непосредна близина, во добра здравствена состојба, без повреди, а според нивниот исказ причина за незгодата бил силен ветер.
Екипите на Езерската полиција го вратиле превртениот катамаран во пловна состојба, а лицата се пренесени на копно, до сместувачкиот објект. аб/свс/
фото/СВР - Охрид