Единствената електрана во Појасот Газа не работи, Израел го спречи снабдувањето со енергенси
- Два милиона жители на Појасот Газа од денеска ќе имаат струја само четири часа дневно бидејќи единсствената електрична централа престана со работа
![Единствената електрана во Појасот Газа не работи, Израел го спречи снабдувањето со енергенси](https://new.mia.mk/index.php/images/20221104180949_big_730x400_66.webp )
Газа, 18 август 2020 (МИА) – Два милиона жители на Појасот Газа од денеска ќе имаат струја само четири часа дневно бидејќи единсствената електрична централа престана со работа.
Електраната престана со работа еден ден откако Израел спречи снабдување со енергенси како одговор на акциите на палестинските екстремисти.
Израелската армија соопшти дека палестинските екстремисти истрелале ракета од Појасот Газа кон Израел.
- На голем број служби им се заканува пропаст ако продолжи ова криза, изјави портпаролот на Електродистрибуцијата во Газа, Мохамед Табет.
Тој го повика Израел да дозволи испорака на енергенси, што се платени од Катар.
И Министерството за здравство предупреди на опасни последици по пациентите на одделенијата за интензивна нега во болниците во Газа. ми/