Едерсон би можел да ја продолжи кариерата во Саудиска Арабија
- Голманот на Бразил и Манчестер сити, Едерсон ова лето може да го напушти англискиот клуб и кариерата да ја продолжи во Саудиска Арабија, пишува на социјалните мрежи новинарот Фабрицио Романо.
![Едерсон би можел да ја продолжи кариерата во Саудиска Арабија](https://new.mia.mk/index.php/images/20240522110950_big_730x400_41.webp )
Манчестер, 22 мај 2024 (МИА) - Голманот на Бразил и Манчестер сити, Едерсон ова лето може да го напушти англискиот клуб и кариерата да ја продолжи во Саудиска Арабија, пишува на социјалните мрежи новинарот Фабрицио Романо.
Договорот на 30-годишниот фудбалер со Сити е до летото 2026 година. Клубовите од саудиската лига се заинтересирани за можноста за купување голман.
Самиот играч разгледува различни опции за продолжување на кариерата и е подготвен да се запознае со понудите од Саудиска Арабија.
Едерсон игра за Манчестер сити од 2017 година. Заедно со клубот стана шесткратен шампион и победник на ФА Купот, освојувач на Лигата на шампионите и четирикратен освојувач на англискиот Лига куп. зс/
Фото: ЕПА