Евростат: Зголемен бројот на баратели на азил во ЕУ
- Заводот за статистика на Европската унија – Евростат објави дека има зголемување на бројот на барања за азил од лица кои првпат поднесуваат барања
![Евростат: Зголемен бројот на баратели на азил во ЕУ](https://new.mia.mk/index.php/images/20230526164852_big_730x400_33.webp )
Луксембург, 26 мај 2023 (МИА) – Заводот за статистика на Европската унија – Евростат објави дека има зголемување на бројот на барања за азил од лица кои првпат поднесуваат барања.
Во февруари 2023 година, 76.505 лица првпат поднеле барање за меѓународна заштита во земјите на ЕУ, што е зголемување за 41 отсто во споредба со истиот период минатата година, се наведува во соопштението на Евростат.
Сиријците и Авганистанците се двете најголеми групи на првпат баратели на азил со 9.885 односно 9.310 случаи.
Руските граѓани се на осмото место, со 2.385 барања.
Вкупно 2.475 баратели се малолетници без придружба.
Повеќе од две третини од барањата се поднесени во Германија, Шпанија, Италија и Франција. ми/
фото: МИА архива