Европратеници: ЕУ да им помогне на луѓето изложени на ризик во Авганистан
- Европратениците во дебатата за иднината на Авганистан ја истакнаа потребата ЕУ да им помогне на луѓето безбедно да ја напуштат земјата по враќањето на талибанците на власт, јави дописникот на
![Европратеници: ЕУ да им помогне на луѓето изложени на ризик во Авганистан](https://new.mia.mk/index.php/images/20240803001216_big_730x400_50.webp )
Стразбур, 14 септември 2021 (МИА) – Европратениците во дебатата за иднината на Авганистан ја истакнаа потребата ЕУ да им помогне на луѓето безбедно да ја напуштат земјата по враќањето на талибанците на власт, јави дописникот на МИА од Париз.
- Сите оние што се во фокусот на талибанците - без разлика дали се активисти, застапници за правата на жените, наставници или државни службеници, новинари - мора да се осигураме дека можат да дојдат кај нас, рече Микаел Галер (ЕНП, Германија). Тој, исто така, рече дека соседните земји мора да бидат поддржани во помагањето на бегалците кои пристигнуваат.
Иратсе Гарсија Перез (С & Д, Шпанија) рече дека е важно да се погледне како да се стабилизира земјата и да се заштитат правата на Авганистанците.
- Создадовме центар во Мадрид за поддршка на оние што работеа со нас во Авганистан и нивните семејства и треба да направиме многу повеќе од ова, да воспоставиме соодветен хуманитарен коридор поддржан од Службата за надворешна акција, така што илјадниците луѓе кои се уште во Авганистан да можат да ги добијат потребните визи и безбедно да ја напуштат земјата, рече тој.
Мик Валас (Левица / Ирска) рече дека „Европа сега треба да обезбеди одржливо засолниште за оние кои избегаа од нередот што ние помогнавме да се создаде“.
Високиот претставник за надворешна политика Жозеп Борел рече дека „она што го видовме во Авганистан е трагедија за авганистанскиот народ, неуспех за Западот и потенцијална промена на играта за меѓународните односи“.
- За да имаме шанси да влијаеме на настаните, немаме друга опција освен да контактираме со талибанците, додаде тој, објаснувајќи дека тоа не значи признавање.
Други европратеници рекоа дека не станува збор само за извлекување луѓе од Авганистан, туку и за грижа на оние кои останале во земјата.
- Мораме да ги обезбедиме животите на авганистанските носители на промени и граѓанските активисти и да спасиме милиони луѓе кои се соочуваат со сиромаштија и глад, рече Петрас Аутревичиус (Обнова, Литванија).
Жером Ривиер (ИД, Франција), пак, вели дека земјите -членки треба да се заштитат себеси и да го заштитат своето население.
- Луѓето во Европа не треба да бидат подложени на повеќе миграции, како онаа што следеше по сирискиот конфликт. Како и вие, јас сум загрижен за судбината на цивилите и жените во Авганистан и не сакам да гледам како исламистите стануваат на власт, но одбивам уште еден бран миграција од Авганистан, рече тој.
Тинеке Штрик (Зелените / ЕФА, Холандија) сугерираше дека е време да се размисли и да се научи од овој дебакл за да се создаде посилна и ефективна надворешна политика.
- Авганистанскиот народ се соочува со огромна хуманитарна катастрофа, недостиг на храна, вода и други основни потреби. Тие авганистански луѓе сметаа на нас. Затоа, да направиме се што можеме за да ги заштитиме од талибанскиот терор, рече таа, повикувајќи на евакуација координирана од ЕУ, хуманитарни визи и пристап до помош.
Ана Фотига (EЦР, Полска) повика на мултилатерален, меѓународен пристап кон Авганистан, како што беше направено пред 20 години.
- Мислам дека мултилатерализмот е начин да се реши овој проблем. (...) Сега треба да имаме што е можно пошироки напори и конкретна стратегија за Авганистан , нагласи таа. тг/паг/