Скопје, 17 декември 2024 

Смртта на уште едно дете во Детската клиника  е трагедија која не смее да помине без одговорност

Ова е петти пат како слушаме за загуба на дете за помалку од два месеци, додека здравствениот систем е оставен на автопилот, а министерот за здравство се занимава со партиски агенди. 

Од едно интервју до друго, министерот е повеќе во партиските игри отколку во министерството, додека нашите најмили ја плаќаат цената на некомпетентноста и негрижата. 

Ова го премина секој праг на хуманото и прифатливото.

Во име на одговорноста кон граѓаните, бараме итна оставка на директорот на Клиниката и министерот за здравство.

Невидената неспособност и неодговорност веќе ги одзема животите на нашите најмили. 

Ова е аларм кој не смее повеќе да се игнорира!

ДУИ

________________________________________________________________________________________ 

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.

фото МИА архива