Државјани на Северна Македонија од недела во Холандија ќе влегуваат со сертификат, тест и задолжителен карантин
- Холандија од утре ја става Северна Македонија како земја со висок ризик.
![Државјани на Северна Македонија од недела во Холандија ќе влегуваат со сертификат, тест и задолжителен карантин](https://new.mia.mk/index.php/images/20221108154224_big_730x400_95.webp )
Скопје, 3 септември 2021 (МИА) – Холандија од утре ја става Северна Македонија како земја со висок ризик.
Патниците од Северна Македонија кои се целосно вакцинирани од утре ќе можат и понатаму да влезат во Холандија, но ќе треба да го почитуваат и правилото за задолжителниот карантин од десет дена.
Од 6 септември, пак, за патниците од Северна Македонија нема да биде доволен доказот за вакцинација. За влез во Холандија ќе мора да приложат и негативен ПЦР тест, не постар од 48 часа пред поаѓање или брз антиген тест, не постар од 24 часа.
Во оваа група на области од висок ризик спаѓаат и Косово и Црна Гора. ки/ац/