До крајот на годината пристигнуваат уште 27 лесни оклопни возила за Армијата
- Набавката на лесните оклопни возила е еден од осумте клучни проекти за вооружување на Армијата, рече министерката за одбрана Славјанка Петровска.
![До крајот на годината пристигнуваат уште 27 лесни оклопни возила за Армијата](https://new.mia.mk/index.php/images/20221113204331_big_730x400_92.webp )
![Славјанка Петровска Комисија за одбрана](/articles/images/%d0%bf%d0%b5%d1%82%d1%80%d0%be%d0%b2%d1%81%d0%ba%d0%b0-%d1%81%d0%b0%d0/vGtGhul1D/placeholder.webp?use_watermark=0)
Говорејќи за дополнителната финансиска поддршка од САД за оваа година во процесот на модернизација на Армијата, Петровска рече дека со тоа се покажува нашето стратешко партнерство и сојузништво со САД.
- Одлуката за американска поддршка во висина од 40 милиони долари за македонската одбрана е приказ за стратешкото партнерство и сојузништво помеѓу Северна Македонија и САД. Оваа поддршка е за нас, но и за безбедноста на сите НАТО земји, зашто сите сме дел од колективната одбрана на Алијансата, рече Петровска.
Министерката за одбрана посочи дека Петровска нашата Армијата е секогаш подготвена да одговори на сите предизвици, додавајќи дека вежбата „Блесок 22“ која се реализираше во април годинава, и оценувањето на лесниот пешадиски баталјон кој беше сертифициран по НАТО стандарди се потврда за тоа.
- Оваа оценка која лесниот пешадиски баталјон ја доби ја отсликува реалната подготвеност на оваа единица, рече Петровска и посочи дека ова претставува најпрактичен пример како се демантираат сите лажни натписи и обвинувања дека нашата Армија е неподготвена и неопремена. дма/сп/