Донев: Гасоводот меѓу Грција и Бугарија е исклучително важен за регионот
- Во Националната палата на културата во Софија започна церемонијата за официјално пуштање во употреба на гасниот интерконектор Грција – Бугарија (ИГБ), чиј домаќин е бугарскиот претседател Рум
![Донев: Гасоводот меѓу Грција и Бугарија е исклучително важен за регионот](https://new.mia.mk/index.php/images/20221113233332_big_730x400_66.webp )
Софија, 1 октомври 2022 (МИА) - Во Националната палата на културата во Софија започна церемонијата за официјално пуштање во употреба на гасниот интерконектор Грција – Бугарија (ИГБ), чиј домаќин е бугарскиот претседател Румен Радев.
Како што јави дописникот на МИА од Софија, на церемонијата присуствува и претседателот Стево Пендаровски, кој пристигна во салата заедно со претседателката на Европската комисија, Урсула фон дер Лајен и неговиот бугарски колега Радев. По нив во салата влегоа претседателите на Азербејџан и на Србија, Илхам Алијев и Александар Вучиќ и премиерите на Грција и на Романија, Киријакос Мицотакис и Николае-Јонел Чука.
Форумот го отвори бугарскиот премиер Галаб Донев, кој истакна дека гасоводот меѓу Грција и Бугарија има исклучително сериозна димензија, не само во однос на економиите на Бугарија и Грција, туку и за регионот во целина.
- Гасоводот ги надминува границите на двете соседни земји, бидејќи ќе отвори нови можности во енергетиката на широк регионален план.
Ситуацијата во светот е комплицирана, особено по почетокот на војната во Украина, рече Донев, додавајќи дека Бугарија го поддржува договорот меѓу Азербејџан и ЕУ.
На церемонијата присуствуваат и еврокомесарот за енергетика Кадри Симсон, извршните директори на проектната компанија „ИЦГБ“, Теодора Георгиева и Јоргос Сатлас, како и поранешните претседатели на Бугарија, Петар Стојанов и Георги Парванов.
Интерконекторот е со вкупна должина од 182 километри, од кои на бугарска територија се 140 километри и ги поврзува системите за пренос на гас на Бугарија и Грција, вклучувајќи го и Трансјадранскиот гасовод. Вкупната вредност на гасоводот е над 240 милиони евра, кои ги обезбеди Европската комисијата за претпролетни истражувања во 2010 година. нк/сп/
![](/articles/images/%d0%b7%d0%b0%d0%bf%d0%be%d1%87%d0%bd%d0%b0-%d1%86%d0%b5%d1%80%d0%b5%d0/e6k04em1h/placeholder.webp?use_watermark=0)
![](/articles/images/%d0%bf%d0%b5%d0%bd%d0%b4%d0%b0%d1%80%d0%be%d0%b2%d1%81%d0%ba%d0%b8-%d0/EBMwd4syN/placeholder.webp?use_watermark=0)