Домаќинот Струга со тимот на Еурофарм Пелистер ќе го отворат 52. Струшки ракометен турнир
- Со натпреварот меѓу домаќинот Струга и тимот на Еурофарм Пелистер на 14 август на отвореното игралиште „Горан Попоски Бабец“, ќе почне 52. издание на Меѓународниот ракометен турнир ,,Струга 2024“.
![Домаќинот Струга со тимот на Еурофарм Пелистер ќе го отворат 52. Струшки ракометен турнир](https://new.mia.mk/index.php/images/20240807144810_big_730x400_62.webp )
Струга, 7 август 2024 (МИА) - Со натпреварот меѓу домаќинот Струга и тимот на Еурофарм Пелистер на 14 август на отвореното игралиште „Горан Попоски Бабец“, ќе почне 52. издание на Меѓународниот ракометен турнир ,,Струга 2024“.
Церемонијата на свеченото отворање е закажана за 19 часот и 55 минути, а потоа ќе следува натпреварот меѓу бранителот на титулата Вардар и екипата на Тиквеш.
Според објавениот распоред, на вториот ракометен ден, во терминот од 18:30 часот, Струга ќе се соочи со грчки ПАОК, додека во 20 часот и 40 минути Тиквеш ќе игра со Екскилстуна Гуиф.
На 16 август во првиот термин ќе се соочат Вардар и Екскилстуна Гуиф, а потоа ќе играат Еурофарм Пелистер и Паок.
Последниот ракометен ден ќе почне во 10 часот и 30 минути со мечот за 5. место, додека натпреварот за 3. место е закажан за 18:30, а големото финале ќе се игра во 20:30 часот. сс/зс/