Доктор Дре се разведува по 24 години брак
- Подробности сѐ уште не се соопштуваат. Како двојката, така и нивните застапници сѐ уште не дале свој коментар за јавноста.
![Доктор Дре се разведува по 24 години брак](https://new.mia.mk/index.php/images/20221104130022_big_730x400_7.webp )
Лос Анџелес, 30 јуни 2020 (МИА) - По 24 години брак, сопругата на познатиот американски рапер Доктор Дре - Никол Јанг поднесе документи за развод.
Подробности сѐ уште не се соопштуваат. Како двојката, така и нивните застапници сѐ уште не дале свој коментар за јавноста.
Андре Јанг (55) и Никол заедно имаат две деца: синот Трус и ќерката Трули. Доктор Дре денес има и четири други деца од претходно, а неговиот син Андре Јанг Помладиот загина 2008 година во сообраќајка, кога имал 20 години.
Никол Јанг претходно беше мажена за НБА-кошаркарот Седал Трит. си/сд/