Дожд и град предизвикаа штети во Ресен и околината
- Од Општина Ресен за МИА потврдуваат дека невремето, обилниот дожд, градот и грмотевиците предизвикаа штети кои ќе се евидентираат во текот на утрешниот ден.
![Дожд и град предизвикаа штети во Ресен и околината](https://new.mia.mk/index.php/images/20230824213624_big_730x400_96.webp )
Ресен, 24 август 2023 (МИА) - Силен дожд и град доцна попладнето го зафати градот Ресен и околните населени места во Преспа.
Од Општина Ресен за МИА потврдуваат дека невремето, обилниот дожд, градот и грмотевиците предизвикаа штети кои ќе се евидентираат во текот на утрешниот ден.
Силните грмотевици предизвикаа неколку часовен прекин во снабдувањето со електричната енергија во Отешево и неколку други населени места, а во градот струја немаше еден час. Најголема штета е предизвикана кај јаболката, но и други земјоделски насади, посочија вечерва од тамошната локална самоуправа. мт/мч/
фото: МИА