Скопје, 17 октомври 2022 (МИА) - Фондацијата за унапредување и промоција на културните вредности „Славко Јаневски“, вечерва во 20 часот, во кафе-барот „Филхармонија“, ќе ја врачи наградата „Роман на годината“ за 2021 година. Годинашен лауреат на наградата е Симона Јованоска за романот „Денот на црвот“ („Или-или“, 2021). Генерален покровител на наградата е „Комерцијална банка“ АД Скопје, а наградата е поддржана од Министерството за култура на Република Северна Македонија. дма/ац/