Дневен преглед на состојбата со Ковид-19 во светот
Приштина - Бројката на жртви на пандемијата на Ковид-19 во Косово се искачи на 663, откако двајца пациенти кај кои бил откриен коронавирусот починаа во последните 24 часа. Според Националниот институт за јавно здравство на Косово (ИКШПК), вчера се откриени 186 новозаразени, така што бројот на лица кај кои е откриен вирусот од почетокот на епидемијата се искачи на 17.943. Во дневниот извештај на ИКШПК се наведува дека болеста, вклучително вчерашните 54 излекувани, досега ја совладале вкупно 15.088 лица.
Тирана - Во Албанија продолжува високата бројка на новозаразени, појава присутна овој месец, кога во просек кај 20 до 23 отсто од дневно тестираните се дијагностицира Ковид-19. Во последното деноноќие од направените 1.315 тестови позитивен резултат е добиен кај 299 лица, што е 23 отсто од тестираните, со што вкупната бројка на заразени изнесува 19.157. Најголем број од новодијагностицираните се од Тирана, 184, каде активни на болеста се 4.133, што е повеќе половина од вкупната бројка, која знесува 8.026, информираа од Министертвото за здравство и социјална заштита. Според истиот извор, битката со опасниот вирус, во последните 24 часа, ја добиле 106 или вкупно 10.654, додека ја изгубија четири пациенти, односно 477 до сега.
Белград - Во Србија, во последните 24 часа, од тестирани 4.739 лица, евидентирани се 614 нови случаи на коронавирус. Уште три лица починаа како резултат на инфекција со коронавирус, а досега се евидентирани вкупно 792 смртни случаи. Вкупно 39.486 случаи на коронавирус се потврдени во Србија, а досега се тестирани 1.283.016. луѓе. Според податоците на Министерството за здравство и Институтот „Трамполин“, хоспитализирани се вкупно 694 лица. Има 26 пациенти на респиратори. Загреб - Во последните 24 часа во Хрватска се евидентирани 2.421 нов случај на коронавирус, што е досега најголем број пациенти за еден ден, а осум лица починаа. Во Хрватска има вкупно 11.144 активни случаи. Меѓу нив, 825 пациенти се наоѓаат во болница, од кои 58 се на апарати за дишење. Од 25 февруари, кога е регистриран првиот случај на инфекција во Хрватска, регистрирани се вкупно 36.380 лица заразени со новиот коронавирус, од кои 437 починале. Букурешт - Според најновите податоци, денеска во Романија се пријавени 3.855 нови случаи на коронавирус, соопшти денеска Стратешката комуникациска група (ГЦС). Агенцијата Аѓерпрес наведува дека биле обработени 19.292 тестови на национално ниво. Вкупно 209.648 случаи на инфекција со коронавирус се потврдени во Романија. Како резултат на Ковид-19, починаа уште 73 лица, со што вкупниот број починаТИ во Романија се искачи на 6.391. Амстердам - Во Холандија, во последните 24 часа, се регистрирани 10.243 нови случаи на коронавирус, што е повторно нов рекорден дневен биланс, соопшти денеска Националниот институт за јавно здравје. Уште 27 лица починаа, со што вкупниот број достигна до 7.000. Досега се заразени повеќе од 290.000 луѓе. На 14 октомври, холандската Влада воведе делумни мерки за карантин за спречување на ширењето на вирусот, вклучително и затворање на сите барови и ресторани во земјата. Лондон - Во Велика Британија денеска се регистрирани 19.790 нови случаи на коронавирус и 151 починат. Бројот на нови случаи е помал од вчера, кога имаше 23.012. Рим - Италија пријави нов дневен рекорд со 21.273 новоинфицирани со коронавирус, според денешните податоци на Министерството за здравство. Вкупниот број случаи во Италија сега е 525.782. Уште 128 лица починаа, со што вкупниот број смртни случаи од Ковид-19 во земјата достигна 37. паг/
