Директорката на ММФ Кристалина Георгиева ќе пристигне во Кина на 24 март
- Директорката на Меѓународниот монетарен фонд (ММФ) Кристалина Георгиева ќе пристигне во Кина на 24 март, каде ќе престојува до 30 март.
![Директорката на ММФ Кристалина Георгиева ќе пристигне во Кина на 24 март](https://new.mia.mk/index.php/images/20230318102534_big_730x400_65.webp )
Вашингтон, 18 март 2023 (МИА) - Директорката на Меѓународниот монетарен фонд (ММФ) Кристалина Георгиева ќе пристигне во Кина на 24 март, каде ќе престојува до 30 март.
Георгиева ќе одржи говор на Кинескиот развоен форум (ЦДФ) во Пекинг на 26 март и на Форумот Боао за Азија во градот Шенжен во јужната кинеска провинција Хаинан на 30 март.
Покрај оваа програма, шефицата на ММФ ќе има и бројни билатерални средби со локални претставници.
Како што наведуваат странските агенции, Георгиева врши притисок врз Кина да го намали долгот кон земјите во тешка економска ситуација на кои Пекинг им позајми пари. Кина одобри посебни финансиски гаранции за задолжената Шри Ланка, но не е сигурно дека истото ќе го направи и за други задолжени земји. паг/