ДЗС со седум припадници се приклучи во потрагата по исчезнатиот Петар
- Од денеска во потрагата по детето Петар Џобоски се приклучи и Дирекцијата за заштита и спасување (ДЗС).
![ДЗС со седум припадници се приклучи во потрагата по исчезнатиот Петар](https://new.mia.mk/index.php/images/20221112134755_big_730x400_2.webp )
Скопје, 1 март 2022 (МИА) - Од денеска во потрагата по детето Петар Џобоски се приклучи и Дирекцијата за заштита и спасување (ДЗС).
- Во потрагата се ангажирани седум припадници на ДЗС од кои четири од Тимот за брз одговор за спасување од планини од ПОЗС – Битола, еден припадник од Тимот за спасување од високи објекти од ПОЗС – Прилеп и двајца вработени од Секторот за оператива и логистика, соопшти ДЗС.
На 10-годишниот Петар трагата му се губи во петокот по 16 часот. Родителите на Петар, со своите три деца од Прилеп, каде живеат, неколку дена биле во селото Врбско за да ги проверат пчелите. Петар е дете со посебни потреби кое тешко комуницира. Кога исчезнал бил во лесна облека. мс/дма/