Де Бруин: Нова сезона - познат резултат
- Тој рече дека за кратко време ќе се фокусира на работи надвор од фудбалот.
![Де Бруин: Нова сезона - познат резултат](https://new.mia.mk/index.php/images/20221104180036_big_730x400_56.webp )
Лисабон, 16 август 2020 (МИА) - Фудбалерот од средниот ред на Манчестер Сити, Кевин Де Бруин, беше многу тажен откако екипата беше елиминирана од Лигата на шампионите. „Граѓаните“ повторно не успеаја да го прескокнат четвртфиналето, губејќи со 1:3 од Лион. Де Бруин го постигна единствениот гол за екипата на Пеп Гвардиола, а по мечот не го криеше своето разочарување.
- Нова сезона, но познат резултат. Не игравме доволно добро во првото полувреме. Потоа бевме многу посилни. Изедначивме и можевме да постигнеме втор гол. Наместо тоа, дозволивме уште два во нашиот. Ние го стававме противникот под сериозен притисок, постојано напаѓавме. Ако Стирлинг реализираше за 2: 2, се ќе беше поинаку. Секунди подоцна Лион постигна трет гол и натпреварот заврши. Французите не создадоа многу ситуации, но тие нè совладаа и ние мора да ги извлечеме вистинските заклучоци, изјави Де Бруин.
Тој рече дека за кратко време ќе се фокусира на работи надвор од фудбалот.
- Кризата со коронавирусот не влијаеше на нас на краток рок, но имам загриженост за иднината. За половина година ќе бидеме физички и психички исцедени. Националните федерации, ФИФА и УЕФА мора да обрнат внимание на ова. Да, факт е дека парите го водат фудбалот. Ние, натпреварувачите, можеме само да се придржуваме, додаде Де Бруин.