Дејно од Оклахома е прогласен за тренер на годината во НБА
- Предводникот на Оклахома Сити, Марк Дејно е прогласен за тренер на годината во НБА, објави најсилната кошаркарска лига на светот.
![Дејно од Оклахома е прогласен за тренер на годината во НБА](https://new.mia.mk/index.php/images/20240429084718_big_730x400_22.webp )
Вашингтон, 29 април 2024 (МИА) – Предводникот на Оклахома Сити, Марк Дејно е прогласен за тренер на годината во НБА, објави најсилната кошаркарска лига на светот.
Триесет и деветгодишниот Американец во гласањето доби 473 поени. На првото место Дејно го поставија 89 од 100 испитаници.
Втор е главниот тренер на Орландо меџик, Џамал Мозели, со 158 поени.
Тренерот на Минесота, Крис Финч, заврши на третото место со 105 поени.
Оклахома регуларниот дел од сезоната го заврши на првото место во Западната конференција со 57 победи и 25 порази.
Во првото коло од плејофот екипата на Оклахома води со 3:0 против Њу Орлеанс во серијата прв до четири победи. зс/
Фото: ЕПА