Дејли мејл: Салах главна цел на Саудијците на лето, трансферот на Мо се смета за поважен од Роналдо поради популарноста во арапскиот свет
- Мохамед Салах би можел да се пресели во Саудиска Арабија по крајот од сезоната. Ал-Итихад се обиде да го придобие крилниот напаѓач на Ливерпул минатото лето. Беше објавено дека саудискиот клуб бил подготвен да плати 200 милиони фунти, но трансферот не се оствари.
![Дејли мејл: Салах главна цел на Саудијците на лето, трансферот на Мо се смета за поважен од Роналдо поради популарноста во арапскиот свет](https://new.mia.mk/index.php/images/20231217133916_big_730x400_17.webp )
Лондон, 17 декември 2023 (МИА) - Мохамед Салах би можел да се пресели во Саудиска Арабија по крајот од сезоната. Ал-Итихад се обиде да го придобие крилниот напаѓач на Ливерпул минатото лето. Беше објавено дека саудискиот клуб бил подготвен да плати 200 милиони фунти, но трансферот не се оствари.
Салах ќе биде главната трансфер цел на Саудијците следното лето бидејќи тие прават нови обиди да го ангажираат играчот, пренесува „Дејли мејл“. Забележано е дека следната година клубовите од Блискиот Исток ќе почнат да трошат помалку пари за новодојденците, но случајот со Мохамед се смета за исклучок.
Триесет и едногодишниот фудбалер се смета за поважна трансфер цел за лигата од трансферот на Кристијано Роналдо во Ал-Наср, бидејќи Египќанецот останува на врвот на својата игра и е широко популарен во арапскиот свет.
Сезонава Салах одигра 16 натпревари во Премиер лигата на кои постигна 11 голови и имаше седум асистенции. зс/
Фото: ЕПА