Детски минибаскет фестивал викендов во Скопје
- Македонската кошаркарска федерација (КФСМ) утре во Скопје ќе организира дружење со најмладите кошаркари и кошаркарки од генерациите 2014, 2015, 2016 и 2017, во рамки на традиционалниот минибаскет фестивал.
![Детски минибаскет фестивал викендов во Скопје](https://new.mia.mk/index.php/images/20231028143211_big_730x400_19.webp )
Скопје, 28 октомври 2023 (МИА) – Македонската кошаркарска федерација (КФСМ) утре во Скопје ќе организира дружење со најмладите кошаркари и кошаркарки од генерациите 2014, 2015, 2016 и 2017, во рамки на традиционалниот минибаскет фестивал.
Во салата на СРЦ „Кале“, почнувајќи од девет часот, на неколку специјално креирани терени, адаптирани за најмалите возрасни кошаркарски категории, ќе продефилираат повеќе од осумстотини идни кошаркари и кошаркарки.
Спонзори на кошаркарскиот хепенинг, како што соопшти КФСМ, се компаниите „Виталија“ и „Горска“.
За најдобрите поединци и екипи предвидени се посебни признанија од Македонската кошаркарска федерација. ег/aa/
ФОТО: КФСМ