Детектиран случај на флурон кај пациент од општина Зајас
- Детектиран еден случај на флурон (комбинирана инфекција со вирусот на грип и коронавирусот) кај 26-годишен пациент од општина Зајас, соопшти Министерството за здравство.
![Детектиран случај на флурон кај пациент од општина Зајас](https://new.mia.mk/index.php/images/20221112022530_big_730x400_79.webp )
Скопје, 5 јануари 2022 (МИА) - Детектиран е еден случај на флурон (комбинирана инфекција со вирусот на грип и коронавирусот) кај 26-годишен пациент од Општина Зајас, соопшти Министерството за здравство.
Според епидемиолошката анкета, пациентот со коинфекција Ковид19/Инфлуенца А, непосредно пред 31.12.2021 година се вратил од САД и според неговите кажувања таму примил вакцина за Ковид-19, односно се ревакцинирал неколку дена пред да пристигне во земјава.
- Пациентот е упатен на домашно лекување, бидејќи засега нема тешка клиничка слика, посочуваат од Министерството. мс/сп/